Ўзбекистонда 17 февраль куни ёғингарчиликсиз об-ҳаво бўлиши кутилмоқда, деб хабар бермоқда “Ўзгидромет”. Бир кун аввал ҳаво кескин совуқ бўлганидан сўнг ҳарорат тез кўтарила бошлайди ва куннинг ўртасига келиб 8-13 даражагача илиқ бўлади.
18—19 февраль кунлари республика ҳудудининг катта қисмида ёғингарчиликсиз об-ҳаво сақланиб туради. Фақат Бухоро, Навоий, Қашқадарё, Сурхондарё вилоятларида баъзи жойларда ва 19 февраль куни Самарқанд, Жиззах вилоятларида айрим жойларда ёмғир ёғиши мумкин. Ушбу кунларда ҳаво ҳарорати деярли ўзгармайди.
Ҳафтанинг иккинчи ярмида Ўзбекистоннинг барча ҳудудлари бўйича қуруқ ва баҳорий илиқ об-ҳаво бўлиши кутилмоқда. Кундуз кунлари ҳаво 15-20 даража илиққача исийди. Бу ҳарорат март ойининг охири ва апрель ойининг бошидаги иқлим кўрсаткичларига мос келади. Ҳарорат кечалари 3-8 даража илиқ атрофида бўлади.
Шамол шарқдан 7-12 метр/секунд тезликда эсади, 18 февралда айрим жойларда 13-18 метр/секундгача кучаяди.
Тошкентда 17—20 февраль кунлари ёғингарчилик кутилмайди. Шамол шарқдан 3-8 метр/секунд тезликда эсади. 17—19 февралда ҳарорат асосан кечалари 0-3 даража илиқ, кундуз кунлари 11-14 даража илиқ, 20—21 февралда кечалари 2-5 даража илиқ бўлади, кундуз кунлари 15-18 даража илиққача кўтарилади.
Изоҳ (0)