Украинанинг АҚШ ҳарбий ёрдамисиз омон қолиши жуда қийин бўлади.
Бу ҳақда Украина президенти Владимир Зеленский NBC News телеканалига берган интервьюсида айтди.
“Бу жуда, жуда ва жуда қийин бўлади. Албатта, барча қийин вазиятларда қўшимча имконият бўлади. Лекин бизда Америка Қўшма Штатлари кўмагисиз омон қолиш учун имконият кам, деярли йўқ. Менимча, бу жуда муҳим, ўта муҳим”, деди у.
У Америка кўмагисиз Россияга қарши курашиш ҳақида ўйламоқчи эмаслигини, Украина ва АҚШ стратегик шерик сифатида қолишига умид қилишини таъкидлади.
Зеленскийнинг қўшимча қилишича, Россия президенти Владимир Путин Украинани урушни тўхтатиш учун эмас, балки баъзи санкцияларни бекор қилиш ва Россия қўшинларининг қайта тўпланишига имкон берадиган сулҳга эришиш учун музокаралар столига ўтиришга чақирмоқда.
Аввалроқ Зеленский НАТО аъзолиги ўрнига Украинага нима кераклигини айтганди.
“Агар Украинани НАТОга қабул қилишмаса, унда мамлакатда 1,5 миллион кишилик армия, армияда эса замонавий қуроллар бўлиши керак” деди Зеленский.
Унинг сўзларига кўра, “бугунги Америка ва президент Трамп Украинанинг НАТОга кириши ҳақида гапиришга тайёр эмас”.
Изоҳ (0)