Рақобат қўмитаси Андижон вилоятидаги дон корхоналарига манипуляция ҳаракатлари учун молиявий жарима қўлланилганини маълум қилди.
Қўмитанинг Андижон вилоят ҳудудий бошқармаси томонидан ўтказилган ўрганишлар натижасида қуйидаги 3 та дон корхоналари томонидан юқори ликвидли ва монопол турдаги маҳсулотларни биржа савдолари орқали реализация қилинишида манипуляция ҳаракатлари (графикларни бажармаслик ва кунлик белгиланган ҳажмларда маҳсулотларни биржа савдоларига қўйилмаслик ҳолатлари) содир этилгани аниқланган:
- “Қўрғонтепа дон маҳсулотлари” АЖ – 724,2 тн буғдой уни ва омухта ем маҳсулоти;
- “Асака дон маҳсулотлари” АЖ – 1394,0 тн буғдой уни ва омухта ем маҳсулоти;
- “Андижондонмаҳсулот” АЖ – 509,2 тн буғдой уни маҳсулоти.
Юқоридагиларга мувофиқ, ҳудудий бошқарманинг махсус комиссияси томонидан “Рақобат тўғрисида”ги қонун ва Вазирлар Маҳкамасининг 170-сонли қарори билан тасдиқланган низом талаблари асосида дон корхоналарига нисбатан қонун бузилиш аломатлари бмлан иш қўзғатилиб, натижаси юзасидан молиявий жарима қўллаш ҳақида қарор қабул қилинган.
Шунингдек, қонунбузилиши ҳолатларини бартараф этиш ва келгусида йўл қўймаслик тўғрисида кўрсатмалар берилган.
Изоҳ (0)