Raqobat qo‘mitasi Andijon viloyatidagi don korxonalariga manipulyatsiya harakatlari uchun moliyaviy jarima qo‘llanilganini ma’lum qildi.
Qo‘mitaning Andijon viloyat hududiy boshqarmasi tomonidan o‘tkazilgan o‘rganishlar natijasida quyidagi 3 ta don korxonalari tomonidan yuqori likvidli va monopol turdagi mahsulotlarni birja savdolari orqali realizatsiya qilinishida manipulyatsiya harakatlari (grafiklarni bajarmaslik va kunlik belgilangan hajmlarda mahsulotlarni birja savdolariga qo‘yilmaslik holatlari) sodir etilgani aniqlangan:
- “Qo‘rg‘ontepa don mahsulotlari” AJ – 724,2 tn bug‘doy uni va omuxta yem mahsuloti;
- “Asaka don mahsulotlari” AJ – 1394,0 tn bug‘doy uni va omuxta yem mahsuloti;
- “Andijondonmahsulot” AJ – 509,2 tn bug‘doy uni mahsuloti.
Yuqoridagilarga muvofiq, hududiy boshqarmaning maxsus komissiyasi tomonidan “Raqobat to‘g‘risida”gi qonun va Vazirlar Mahkamasining 170-sonli qarori bilan tasdiqlangan nizom talablari asosida don korxonalariga nisbatan qonun buzilish alomatlari bmlan ish qo‘zg‘atilib, natijasi yuzasidan moliyaviy jarima qo‘llash haqida qaror qabul qilingan.
Shuningdek, qonunbuzilishi holatlarini bartaraf etish va kelgusida yo‘l qo‘ymaslik to‘g‘risida ko‘rsatmalar berilgan.
Izoh (0)