Ноябрь ойининг иккинчи якшанбаси юртимизда Ўзбекистон соғлиқни сақлаш соҳаси ходимлари куни этиб белгиланган. Ушбу байрам муносабати билан бугун тантанали тадбир бўлиб ўтди.
Унда президент матбуот котиби Шерзод Асадов ўз ҳаётини инсон саломатлигини асрашдек олижаноб ишга бағишлаб келаётган тиббиёт ходимларига президент табригини ўқиб эшиттирди.
“Қутловда Янги Ўзбекистон эришаётган катта ютуқларда, инсон капиталини ривожлантиришда жонкуяр тиббиёт ходимларининг муносиб ҳиссаси эътироф этилиб, кейинги йилларда амалга ошираётган кенг кўламли ислоҳотлар туфайли соғлиқни сақлаш тизимида юз бераётган туб ўзгаришлар қайд этилган.
Тиббиётни янада халқчил соҳага айлантириш, одамларни ушбу тизимдан рози қилиш масаласи доимо давлатимиз эътибори марказида бўлиши таъкидланган”, деб ёзди Шерзод Асадов ўзининг Telegram’даги каналида.
Шунингдек, куни кеча президент фармони билан ибратли фаолияти учун соҳа ходимларидан бир гуруҳи орден ва медаллар билан мукофотланган эди. Бугунги тадбирда ушбу юксак мукофотлар Тошкент шаҳри ҳокими Шавкат Умурзоқов ва соғлиқни сақлаш вазири вазифасини бажарувчи Асилбек Худаяров томонидан ўз эгаларига тантанали равишда топширилди.
Изоҳ (0)