Экология вазирлиги ҳузуридаги Ўрмон хўжалиги агентлигига Эркин Муҳитдинов вақтинчалик директор вазифасини бажарувчи этиб тайинланди.
2017 йилдан буён Низомиддин Бакиров агентлик директори вазифасида ишлаб келаётганди (Ўрмон хўжалиги давлат қўмитаси 2023 йилда Экология, атроф-муҳитни муҳофаза қилиш ва иқлим ўзгариши вазирлиги ҳузуридаги ўрмон хўжалиги агентлиги бўлганди).
Эркин Муҳитдинов тайинловга қадар 2024 йилнинг декабридан буён вазирликнинг Ўрмон, биохилма-хиллик ва экотуризм сиёсатини юритиш департаменти бошлиғи лавозимида ишлаётган эди.
У 1976 йилда Андижон вилоятида туғилган. 1997 йилда Андижон иқтисод бошқарув институти (бакалавр), 2000 йилда Банк-молия академияси (магистратура), 2007 йилда эса Япониядаги Ривожланаётган иқтисодиётлар институти олий мактабини тамомлаган.
Камбағалликни қисқартириш ва бандлик вазири ўринбосари, Оҳангарон тумани ҳокими, Тошкент вилояти ҳокимининг биринчи ўринбосари лавозимларида ишлаган.
Изоҳ (0)