Ekologiya vazirligi huzuridagi O‘rmon xo‘jaligi agentligiga Erkin Muhitdinov vaqtinchalik direktor vazifasini bajaruvchi etib tayinlandi.
2017-yildan buyon Nizomiddin Bakirov agentlik direktori vazifasida ishlab kelayotgandi (O‘rmon xo‘jaligi davlat qo‘mitasi 2023-yilda Ekologiya, atrof-muhitni muhofaza qilish va iqlim o‘zgarishi vazirligi huzuridagi o‘rmon xo‘jaligi agentligi bo‘lgandi).
Erkin Muhitdinov tayinlovga qadar 2024-yilning dekabridan buyon vazirlikning O‘rmon, bioxilma-xillik va ekoturizm siyosatini yuritish departamenti boshlig‘i lavozimida ishlayotgan edi.
U 1976-yilda Andijon viloyatida tug‘ilgan. 1997-yilda Andijon iqtisod boshqaruv instituti (bakalavr), 2000-yilda Bank-moliya akademiyasi (magistratura), 2007-yilda esa Yaponiyadagi Rivojlanayotgan iqtisodiyotlar instituti oliy maktabini tamomlagan.
Kambag‘allikni qisqartirish va bandlik vaziri o‘rinbosari, Ohangaron tumani hokimi, Toshkent viloyati hokimining birinchi o‘rinbosari lavozimlarida ishlagan.
Izoh (0)