2024 йил санъат оламида бир қатор машҳур санъаткорлар янги ҳаёт босқичига қадам қўйди — фарзандли бўлишди. Фарзандли бўлиш кўплаб санъаткорлар учун янги масъулият ва ижод қилиш учун янги илҳом манбайи бўлди. 2024 йилда ота-она бўлган санъаткорлар ва уларнинг янги авлод вакиллари ҳақида эслаб ўтамиз.
Юлдуз Турдиева
39 ёшли хонанда Юлдуз Турдиева 12 январда учинчи бор оналик бахтига сазовор бўлди. Унинг оиласида қиз фарзанд дунёга келди.
Жасур Умиров
Хонанда жасур Умиров 21 апрель куни ўғил фарзандли бўлди. Бу ҳақда унинг дўстлари Instagram’да маълум қилди. Жасур Умиров ўғлига Муҳаммад деб исм қўйди ва унга атаб қўшиқ ҳам куйлади. Бу хонанданинг илк бор оталик мақомига эришиши.
Хонанда Моҳларойим
Baby Mohi тахаллуси билан ижод қиладиган хонанда, инстаблогер Моҳларойим илк бор она бўлди — у қиз фарзандни дунёга келтирди.
Жамила Ғофурова
Таниқли актриса Жамила Ғофурова тўртинчи маротаба она бўлди. У 2 май куни ўғил фарзандни дунёга келтирди, жажжи чақалоққа Абубакр дея исм қўйди.
Хонанда Малика Эгамбердиева
Истеъдодли хонанда Малика Эгамбердиева 8 май куни иккинчи марта она бўлди. У яна бир қиз фарзандни дунёга келтирди, жажжи чақалоққа ота-онаси Хадичабону дея исм қўйишди.
Актриса Зебунисо Холиқова
Таниқли актриса Муқаддас Холиқованинг қизи актриса Зебунисо Холиқова ҳам 15 май куни қиз фарзандли бўлди. У қизига Мумтозбегим дея исм қўйди. Бу ҳақда актрисанинг ўзи Instagramъда маълум қилганди.
Ёрқинхўжа Умаров ва Зиннура
Хонанда Ёрқинхўжа Умаров 15 июнь куни илк бор ота бўлди. Озодбек Назарбековнинг қизи Зиннура ўғил фарзандни дунёга келтирди. Жажжи чақалоққа Абдул-Азизхўжа деб исм қўйишди.
Ойбек ва Нигора
Юлдузли жуфтлик Ойбек ва Нигора хонадонида тўртинчи фарзанд дунёга келди. Нигора июль ойида иккинчи қизалоқнинг онаси бўлди ва унга Айлин деб исм қўйишди. Энди Ойбек ва Нигоранинг оиласида икки ўғил ва икки қиз фарзанд бор.
Зоҳид Ризқиев ва Камола Ортиқова
“Уммон” гуруҳининг собиқ аъзоси Зоҳид Ризқиев шу йилнинг 16 августида иккинчи маротаба ота бўлди. Унинг рафиқаси Камола Ортиқова қиз фарзандни дунёга келтирди, жуфтлик қизалоққа Сайҳа деб исм қўйди.
Актриса Дилшода Рустамжонова
Актриса, инстаблогер Дилшода Рустамжонова август ойида илк бор она бўлди. У қиз фарзандни дунёга келтирди ва жажжи чақалоққа ота-онаси Бибисора деб исм қўйишди.
Актриса Хонзода Дўстова
Таниқли инстаблогер ва актриса Хонзода Дўстова ҳам шу йил илк бор она бўлди. У ўғил фарзандни дунёга келтирди ва чақалоққа Юсуф дея исм қўйди.
Муниса Ризаева
Хонанда Муниса Ризаева 24 ноябрь куни илк марта она бўлди. У Аргентинанинг Буэнос Айрес шаҳрида жойлашган клиникалардан бирида ўғил фарзандни дунёга келтирди.
Хонанда фарзандини кесарча кесиш йўли билан дунёга келтиришни режалаштираётгани ҳақида айтиб ўтганди. Муниса Аргентина тиббиётининг ривожлангани бўйича дунёда 33-ўринда туриши сабабли фарзандини айнан Буэнос Айресда дунёга келтиришини айтган. Ҳозирда у Аргентинада турмуш ўртоғи ва ўз онаси билан яшамоқда ва Ўзбекистонга 2025 йилнинг мартида қайтишни режалаштиряпти.
Бир неча кундан олдин хонанда Instagram’да мухлисларини ўғлини кўрсатди ва унга атаб қўшиқ куйлади.
Актёр Фарҳод Маҳмудов
“Барон” фильми юлдузи Фарҳод Маҳмудов 52 ёшида иккинчи бор ота бўлди. У рафиқаси ва қизалоғи билан тушган суратини саҳифасига жойлаган. Актёрнинг биринчи турмушидан Искандар исмли ўғли бор.
Режиссёр Аҳад Қаюм
Режиссёр, шоир ва актёр Аҳад Қаюм ҳам бу йил учинчи марта ота бўлди. У чақалоқни туғуруқхонадан олиб чиқиш жараёнлари акс этган видеони саҳифасига жойлади.
Қизиқчи Валижон Шамшиев
Сўз устаси Валижон Шамшиев ўз саҳифасига 11-фарзанди билан тушган видеосини жойлади. Қизиқчи айни пайтда 8 қиз ва 3 ўғилнинг отаси.
Қўшиқчи Маҳлиё Омон
Ёш хонанда Маҳлиё Омон ҳам бу йил илк бора оналик бахтига муяссар бўлди. У ўғил фарзанд дунёга келтирди ва чақалоққа Муҳаммадали дея исм қўйди.
Бундан ташқари вайнер Дили.ме ва “Havas” гуруҳи хонандаси Шаҳноза ҳам шу йил ота-оналик бахтига эришди. Фарзандли бўлган барча-барчани табриклаймиз ва жажжи гўдакларни эл-юрт равнақига ҳисса қўшадиган инсонлар бўлишига тилакдошмиз!
Изоҳ (0)