O‘zbekiston sharafini himoya qiluvchi UFC jangchisi Bogdan Guskov UFC 311 turniri doirasida jang qiladi. Bu haqda tashkilot matbuot xizmati xabar berdi.
Turnirda 32 yoshli Guskovga braziliyalik Joni Uoker raqiblik qiladi. Musobaqa 2025-yil 18-yanvar kuni AQSHning Los-Anejeles shahrida bo‘lib o‘tadi.
Maʼlumot uchun, Guskov shu vaqtga qadar MMA’da 19 ta jang o‘tkazib, 16 ta g‘alaba va 3 ta mag‘lubiyat qayd etgan. U oxirgi jangini aprel oyida UFC on ESPN 55 turnir doirasida amerikalik Rayan Spennga qarshi o‘tkazib, raqibini texnik nokautga uchratgandi.
Uoker MMA’dagi debyutini 2013-yil dekabr oyida o‘tkazgan. Keyingi to‘rt yil davomida u Braziliyadagi janglarda qatnashib, 10 ta g‘alaba va 3 ta mag‘lubiyatni qayd etgan. Barcha g‘alabalari muddatidan oldin yakunlangan. Uoker 2018-yil 11-avgust kuni Dana Uaytning Contender Series turnirida debyut qilgan. U Enrike da Silva bilan jang qilib, hakamlarning bir ovozdan chiqargan qarori bilan g‘alaba qozongan. Ushbu g‘alaba Uokerga UFC ro‘yxatidan joy olish imkonini bergan.
Izoh (0)