AQSHning Las-Vegas shahrida 8-dekabr kuni MMA bo‘yicha UFC 310 turniri bo‘lib o‘tgan edi. Ushbu kechada qatnashgan sportchilar ega chiqqan pul mukofoti miqdori ma’lum qilindi.
Oqshomning markaziy jangida o‘ta engil vazn toifasidagi braziliyalik Aleksandr Pantoja yaponiyalik debyutant Kay Asakura bilan to‘qnash keldi va ikkinchi raunddayoq g‘alaba qozondi. Aynan u turnirning eng katta gonorariga ega chiqdi. Pantoja 3 mln 442 ming dollarni qo‘lga kiritdi. Mag‘lubiyatga uchragan Asakura 1 mln 632 ming bilan taqdirlandi.
Qozog‘istonlik Shavkat Rahmonov bu borada uchinchi bo‘ldi. Chempionlik jangiga da’vogarlik huquqini qo‘lga kiritgan Rahmonovning gonorari 1 mln 155 ming dollarni tashkil etgan.
UFC 310 ishtirokchilarining pul mukofoti miqdori:
- Aleksandr Pantoja — 3 mln 442 ming (dollar)
- Kay Asakura — 1 mln 632 ming
- Shavkat Rahmonov — 1 mln 155 ming
- Ian Garri — 1 mln 056 ming
- Visente Lyuke — 471 ming
- Kris Uaydman — 421 ming
- Kley Guida — 371 ming
- Maykl Keza — 366 ming
- Dominik Reyes — 361 ming
- Siril Gan — 360 ming
- Aleksandr Volkov — 311 ming
- Movsar Evloyev — 176 ming
- Aljemeyn Sterling — 320 ming.
Ma’lumot uchun, UFC 311 musobaqasi 18-yanvar kuni bo‘lib o‘tadi. Turnirning ikki asosiy jangida rossiyalik sportchilar qatnashadi. Unga ko‘ra, Islom Maxachev Armaniston vakili Arman Tsarukyanga qarshi, gruziyalik Merab Dvalishvili esa yana bir rossiyalik Umar Nurmagomedovga qarshi oktagonga ko‘tariladi.
O‘zbekiston sharafini himoya qiluvchi UFC jangchisi Bogdan Guskov ham UFC 311 turniri doirasida jang qiladi.
Izoh (0)