Жанубий Кореяда ҳукмрон “Халқ кучи” партияси раҳбари Ҳан Донг Ҳун президент Юн Сок Ёлдан ҳарбий ҳолат жорий этиш бўйича қилган демарши туфайли истеъфога чиқишни талаб қилди. У давлат раҳбари мамлакат учун катта хавф туғдираётганини айтди. Бу ҳақда Deutsche Welle хабар берди.
Бу 7 декабрь куни етарли миқдордаги қонун чиқарувчилар президентга қарши импичмент учун овоз беришини кафолатлайди. 5 декабрь куни Ҳан Донг Ҳун импичментга тўсқинлик қилишини айтганди. У фикрини ўзгартиришига президент нотўғри иш қилганини тан олишдан бош тортгани сабаб бўлди.
Янги фактларни ҳисобга олган ҳолда, мен президент Юн Сок Ёлнинг ўз вазифасини бажаришдан тезда четлаштирилиши Корея ва унинг халқини ҳимоя қилиш учун зарур, деб ҳисоблайман, деди Ҳан Донг Ҳун.
У президент вазиятга “ноқонуний аралашган” ҳарбийларга нисбатан ҳеч қандай чоралар кўрмаганини билдирди.
Бундан ташқари, у бу ноқонуний ҳарбий ҳолат эканини тан олмайди, деди партия раҳбари.
У ҳарбий ҳолат пайтида президент контрразведка бошлиғига “давлатга қарши фаолият”да айбланган бир қатор етакчи сиёсатчиларни қамоққа олишни буюрганини айтди.
Шу сабабли, агар президент Юн ўз лавозимида қолишда давом этса, Корея ва унинг фуқароларини катта хавф остида қолдирадиган, ҳозирги фавқулодда вазиятга ўхшаш кескин ҳаракатларнинг такрорланиш эҳтимоли юқори, дея қўшимча қилди у.
Изоҳ (0)