2024 йилда премьера қилинган ва энг юқори даромад келтирган фильмлар рўйхати эълон қилинди, деб ёзади Lifehacker.
Жорий йилда дунёдаги энг кассабоп лойиҳаларнинг барчаси фильмларнинг иккинчи қисми бўлиб, улардан иккитаси бир миллиард доллардан ортиқ даромадга чиққан. Мазкур рейтингда “Бошқотирма-2” фильми 1,698 миллиард доллар билан биринчи ўринни эгаллади. Фахрли иккинчи ўринни 1,337 миллиард билан “Дедпул ва Росомаха” олди.
Шунингдек, йилнинг энг кўп даромад келтирган фильмлари бешталигига “Яхши бўлиш осонми-4”, “Дюна: иккинчи қисм” ва “Годзилла ва Конг: янги империя” каби лойиҳалар кирди. Уларнинг умумий даромади беш миллиард доллардан ошди.
“Кунг-фу панда-4”, “Битлжус Битлжус”, “Веном: сўнгги рақс”, “Ёмон йигитлар” ва “Маймунлар сайёраси: янги қироллик” фильмлари энг кассабоп картиналар ўнталигига кирди.
Бундай ҳолат сўнгги 50 йил ичида биринчи марта содир бўлмоқда. Иккинчи қисмларнинг барчаси нафақат биринчисидан ҳам машҳур, балки иқтисодий жиҳатдан кўпроқ фойда келтириш бўйича ҳам етакчи бўлиб қолмоқда. Масалан, “Бошқотирма-2” ҳамда “Дедпул ва Росомаха” премьерасидан кейин 100 кун ичида Disney+ платформасида чиқарилди, бироқ уларнинг касса даромадлари камаймади.
Аммо инсонларнинг кинотеатрларга бўлган қизиқиши йил сайин пасайиб бормоқда. 2024 йилда энг яхши ўнта фильмларнинг умумий даромади 7,5 миллиард долларни ташкил этди, бу 2023 (8,5 миллиард доллар) ва 2022 (10,2 миллиард доллар) йиллардаги кўрсаткичдан анча кам. Шунга қарамай, “Яхши бўлиш осонми”, ва “Веном” каби муваффақиятли франшизаларнинг давоми ҳали ҳам томошабинларни жалб қилмоқда ва кино саноати ривожига ўз ҳиссасини қўшмоқда.
Маълумотларга кўра, йил охиригача ушбу рейтингга “Ёвуз: Ғарб жодугари ҳақида эртак” мусиқий фильми ҳам кириши мумкин. Кинокартина премьераси 22 ноябрда бўлиб ўтди. Унинг касса даромади бир миллиард доллардан ошиши башорат қилинмоқда.
Изоҳ (0)