Pixar компанияси креатив директори ва “Бошқотирма” анимацион фильмлари муаллифи Пит Доктер Entertainment Weekly нашрига берган интервьюсида мазкур франшиза асосида анимацион сериал суратга олинаётгани ҳақида хабар берди, деб ёзади Правила Жизни.
Доктер сўзларига кўра, лойиҳа устидаги ишлар деярли ниҳоясига етган ва мулцериал 2025 йилнинг баҳорида Disney+ да намойиш этилади.
Янги сериал “Dream Production” (“Тушлар студияси”) деб номланган. Сериал Райли Андерсон хаёлида унинг орзуларини рўёбга чиқарадиган Dream Production киностудияси ҳақида ҳикоя қилади.
“Биз тушларнинг онгимиздаги ўрни ва улар уйғонганимизда бизга қандай таъсир қилишини ўрганишни давом этдик. Ушбу лойиҳа муваффақиятли бўлишига ишонамиз”, — деди Пит Доктер.
Сериал ҳақида бошқа тафсилотлар мавжуд эмас.
Pixar ва Disneyънинг “Бошқотирма” анимацион фильмининг биринчи қисми Мультфильмнинг биринчи қисми 2015 йилда намойиш этилган, унда Райли исмли қизалоқнинг миясида яшайдиган бешта ҳиссиёт: Қувонч, Қайғу, Қўрқув, Ғазаб ва Ташвиш ҳақида ҳикоя қилинади. Райли аста-секин улғайиб боради, бу унинг ҳис-туйғуларини хотирасида сақлаб қолишга ва ҳалокатли ўзгаришларнинг олдини олишга ёрдам беради.
“Бошқотирма-2” премьераси АҚШда 13 июнь куни бўлиб ўтди. Мутахассисларнинг фикрича, фильминг иккинчи қисми бир қатор касса кўрсаткичлари бўйича “Дюна-2” ва “Барби”ни ортда қолдирди. Бошқотирма-2” жаҳон кинопрокатида 133 миллион доллардан ортиқ даромад келтирди.
Шунингдек, сиквел Pixar студиясининг тарихдаги энг яхши бешта лойиҳаларидан бирига (“Супер оила”, “Дорини излаб”, “Ўйинчоқлар тарихи” каби) айланиши мумкинлиги таъкидланмоқда.
Изоҳ (0)