Украина ҳукумати жисмоний ва юридик шахсларга қарши санкциялар рўйхатини кенгайтирди. Бу сафар турли мамлакатларнинг 185 нафар фуқароси ва 181 та компанияси “қора рўйхат”га тушди. Тегишли фармонни Украина етакчиси Владимир Зеленский имзолади.
Қайд этилишича, чекловлар беш ёки 10 йил муддатга киритилади. Санкцияларга Россия, Украина, Молдова, Германия, БАА, Ўзбекистон ва бошқа мамлакат фуқаролари ҳамда компаниялари киритилган.
Рўйхатдан Ўзбекистоннинг “Foton” компанияси жой олган, компания бошқаруви раиси Марифхўжа Саидумаров ҳам “қора рўйхат”га киритилган.
1942 йилда ташкил этилган “Foton” Тошкент шаҳрида жойлашган. Компания диодлар, транзисторлар ва интеграл микросхемалар ишлаб чиқаради.
Ноябрь охирида Зеленский Миллий хавфсизликка таҳдид деб ҳисобланган 147 нафар фуқарога, шунингдек, 303 та юридик шахсга нисбатан санкция қўллаган эди.
Санкциялар рўйхатига киритилганлар орасида Ўзбекистон корхоналари ва фуқаролари ҳам бор. Хусусан, Akkermann Cement CА (Оҳангарон), “Оҳангаронцемент” АЖ, шунингдек, Нарзиева Наргиза Эркиновна, Носирхўжаев Шоҳруҳ Олимжонович “қора рўйхат”га тушган.
Изоҳ (0)