АПЛ. “Тоттенҳэм” 5 та гол урилган ўйинда “Ньюкасл” устидан йирик ҳисобда ғалаба қозонди

Футбол бўйича Англия Премьер Лигасининг 16-турида “Тоттенҳэм” 10 декабрь, якшанба куни “Ньюкасл”ни қабул қилди.

Учрашувнинг 26-дақиқасида Дестини Удожи ҳисобни очди. 38-дақиқада Ришарлисон “шпорлар”нинг иккинчи голига муаллифлик қилди. Биринчи бўлим 2:0 ҳисоби билан якунланди.

Иккинчи бўлимда Ришарлисон дубль қайд этди. Бразилиялик футболчи қанотдан узатиб берилган тўпни ўзига ўнглаб олиб, дарвозани ишғол қилди. 85-дақиқада Сон Ҳён Мин пенальтини аниқ амалга ошириб, ҳисобни янада йириклаштирди. 90+1-дақиқада Жоэлинтон ҳисобни қисқартиришга муваффақ бўлди. Шу тариқа ўйин 4:1 ҳисобида лондонликларнинг ғалабаси билан якунланди.

АПЛ

16-тур

10 декабрь, якшанба

“Тоттенҳэм” — “Ньюкасл” 4:1

Голлар: 1:0 – 26 Удожи, 2:0 – 38 Ришарлисон, 3:0 – 60 Ришарлисон, 4:0 – 85 Сон Ҳён Мин (пенальти), 4:1 – 90 Жоэлинтон.

“Тоттенҳэм”: Викарио, Порро, Дэвис, Ромеро, Удожи, Биссума (Хил, 86), Кулусевски, Сарр (Ҳёйберг, 73), Сон Ҳён Мин (Донли, 90), Жонсон (Скипп, 86), Ришарлисон (Ло Чельсо, 73).

“Ньюкасл”: Дубравка, Триппьер (Крафт, 86), Шер, Ласселс, Ливраменто (Холл, 74), Бруно Гимараэс, Майли, Альмирон (Лонгстафф, 64), Жоэлинтон, Гордон (Ритчи, 74), Исак (Уилсон, 64).

Огоҳлантиришлар: Ласселс (59), Жоэлинтон (69), Ромеро (80), Триппьер (83).