Ўзбекистон Фанлар академияси академиги Носиров Темуржон 12 ноябрь куни 83 ёшида вафот этди. Бу ҳақда академия матбуот хизмати хабар берди.
У электроэнергетик тизимларнинг режимларини таҳлили ва назарияси бўйича йирик олим эди. Электроэнергетик тизимларнинг нормал ва авария режимларини комплекс таҳлил усулларини яратиш ва умумлаштириш бўйича илмий тадқиқотлар олиб борган.
“Уларнинг фан ривожи учун қилган саъй ҳаракатлари, эзгу ишлари шогирдлари ва яқинлари қалбида мангу яшайди” дейилади хабарда.
Август ойида Ўзбекистон Фанлар академияси президенти Беҳзод Йўлдошев 79 ёшида вафот этганди. 1 ноябрь куни Ўзбекистон Қаҳрамони Аҳмад Нарзуллоев 68 ёшида вафот этди.
Изоҳ (0)