Генетика ва ўсимликлар экспериментал биологияси соҳасида дунёга танилган олим Академик Абдумавлон Абдуллаев 8 декабрь куни 92 ёшида вафот этди, деб хабар бермоқда Ўзбекистон Фанлар академияси матбуот хизмати.
Биолог-ботаник олим Абдумавлон Абдуллаев 1930 йилда Наманган вилоятида туғилган. Ўзбекистон Фанлар академияси Генетика ва ўсимликлар экспериментал биологияси институтининг бош илмий ходими лавозимида ишлаб келаётганди.
Абдумавлон Абдуллаев Ўзбекистон Фанлар Академияси академик (1995). Ўзбекистонда хизмат кўрсатган фан арбоби, профессор (1980 йил). Фанлар Академияси Ўсимликлар экспериментал биологияси (ҳозирги Генетика ва ўсимликлар экспериментал биологияси) институтида илмий ходим (1957—67 йиллар), лаборатория мудири (1967 йилдан), директор (1971—1982 ва 1985–1989 йиллар). Ўзбекистон Фанлар Академияси киш-лоқ хўжалиги фанлари бўлими раиси (1997–98 йиллар) лавозимларида фаолият юритган.
У Генетика ва ўсимликлар экспериментал биологияси соҳасида дунёга танилган. Ғўзанинг ёввойи турларини йиғиш бўйича унинг келиб чиқиш марказлари бўлган Мексика (1975 йил), Перу (1984 йил), Сейлон, Хиндистон, Хитой (1989–90), Австралияга (1997 йил) уюштирилган экспедицияларга бошчилик қилган.
Изоҳ (0)