Jurnalist Salvador Sostresning ABC saytida yozishicha, “Barselona”ning sobiq bosh murabbiyi Xavi “yovuz ruhlardan qutulish” va ularni “Kamp Nou”dan quvib chiqarish maqsadida jamoaning kiyinish xonasiga shamanni taklif qilgan.
Marosimlar stadionda hech kim bo‘lmaganda yashirincha o‘tkazilgan. Bundan klub prezidenti Joan Laporta xabardor edi, lekin Xavi bilan munosabatlarini saqlab qolish uchun mavzuni ko‘tarmaslikka qaror qilgan. ABC’ning xabariga ko‘ra, bu haqda prezidentga arena qo‘riqchilari aytgan. Ularga bu marosimlar g‘alati va tushunarsiz bo‘lib tuyulgan.
Ma’lumot uchun, Xavi o‘tgan mavsum oxirida klubni g'ayrioddiy sababga ko‘ra tark etgandi. Xabar qilinishicha, murabbiyni ishdan bo‘shatish sabablaridan biri uning optimist emasligi bo‘lgan. “Barsa” prezidenti Xavining klubni tanqid qilgani, moliyaviy va transfer siyosatidan doimiy noroziligidan hafsalasi pir bo‘lgan.
Izoh (0)