Англия терма жамоаси ҳужумчиси Олли Уоткинс Нидерландияга (2:1) қарши Евро—2024 ярим финал учрашувининг энг яхши футболчиси деб топилди. Бу ҳақда УЕФА расмий сайти хабар берди.
Учрашувнинг еттинчи дақиқасида Нидерландия терма жамоаси ярим ҳимоячиси Хави Симонс рақиб жарима майдончаси ташқарисидан юқори бурчакка зарба йўллаб, ҳисобни очди. 18-дақиқада Англия терма жамоаси ҳужумчиси Ҳарри Кейн Нидерландия терма жамоаси ҳимоячиси Дензел Думфрис томонидан қўполлик ишлатилгани учун белгиланган пенальтини аниқ амалга ошириб, ҳисобни тенглаштирди. 90-дақиқада ҳужумчи Олли Уоткинснинг аниқ зарбаси инглизларга ғалаба келтирди.
Англия терма жамоаси Евро—2024 финалида Испания билан ўйнайди. Учрашув 14 июль куни бўлиб ўтади.
Амалдаги чемпион Италия термаси Евро—2020 финалида Англия терма жамоасини мағлуб этган эди.
Изоҳ (0)