Xitoyning Guandun provinsiyasida dunyodagi birinchi uchar avtomobillarni ishlab chiqarish bazasini qurish boshlandi. Bu haqda Sinhua xabar berdi.
Guanchjou shahridagi baza Xpeng Aeroht kompaniyasining buyurtmasi asosida qurilmoqda. Kompaniya ma’lumotlariga ko‘ra, 180 ming kvadrat metr maydonni egallagan ushbu zavod qurilishining birinchi bosqich loyihasi “Quruqlikdagi aviatashuv” avtomobili uchun havo modulini ishlab chiqarishdan iborat. Kelajakdagi loyihaning ishlab chiqarish quvvati yiliga 10 ming donani tashkil etadi.
Xpeng Aeroht kompaniyasi asoschisi Chjao Delining aytishicha, 2024-yilning sentyabr oyida “Quruqlikdagi aviatashuv” modeli o‘zining birinchi parvozini amalga oshirdi va uning dastlabki savdosi yil oxirida boshlanadi.
Rasmiy oldi-sotdi hali boshlanmagan bo‘lsa-da, kompaniya allaqachon mahsulot uchun oldindan buyurtmalarni qo‘lga kiritgan. Xpeng Aeroht 4-sentyabr kuni bir qator asosiy hamkorlar bilan yopiq eshiklar orqali uchrashuv o‘tkazdi va u o‘zining modulli uchar avtomobili uchun 1000 dan ortiq oldindan buyurtma olganini bildirdi.
27-sentyabr kuni kompaniya Chjeszyan provinsiyasining Xanchjou shahrida joylashgan ikkita kompaniya bilan strategik hamkorlikka erishgani va 150 ta modulli uchar avtomobillar uchun oldindan buyurtmalar olganini ma’lum qildi.
Izoh (0)