Жорий йил январь–сентябрь ойларида 8374 нафар Ўзбекистон фуқароси хорижий мамлакатларга доимий яшаш учун кўчиб кетган. Бу ҳақда Статистика агентлиги маълум қилди.
Таҳлил қилинишича, Ўзбекистондан доимий яшаш учун кўчиб кетганларнинг асосий қисми Қозоғистон (82,4 фоиз) ва Россияга (14,2) йўл олган. Хусусан, 9 ой давомида мамлакатдан кўчганлар сони қуйидагича:
- Қозоғистонга 6 903 киши;
- Россияга 1 193 киши;
- Қирғизистонга 49 киши;
- Жанубий Кореяга 60 киши;
- Туркманистонга 30 киши;
- Бошқа мамлакатлар 139 киши.
Таққослаш учун, 2023 йилнинг январь–сентябрь ойларида Ўзбекистондан 14 666 киши чет элга доимий яшаш учун кўчиб кетганди. Ўшанда ҳам энг кўп кўчишлар Қозоғистонга (11 921 киши) тўғри келган.
Изоҳ (0)