Беларусь, Қозоғистон, Қирғизистон, Ўзбекистон, Тожикистон ва Сербия президентлари 21 февраль куни “Келажак Ўйинлари” халқаро мусобақасининг очилиш маросимида қатнашди. Давлат раҳбарларига кечки таомга нималар берилгани маълум бўлди.
Менюдан сабзавотли қўзичоқ гўшти, қисқичбақа, авакадо ва форелдан тартар, картофель креми, қовоқча ва икра билан судак балиғи жой олган. Бундан ташқари, столга денгиз маҳсулотларидан таом, ғоз гўшти ва қовоқдан суп-пюре, қора четан шарбати, ванилли музқаймоқ билан олмали пирог ва турли хил татар ширинликларидан ассорти тортилган.
21 февраль куни Kazan Expo халқаро кўргазмалар марказида “Келажак Ўйинлари”нинг тантанали очилиш маросими бўлиб ўтди. Унда МДҲнинг олти давлати раҳбарлари иштирок этди.
Қозон шаҳрига амалий ташриф доирасида Ўзбекистон президенти Шавкат Мирзиёев ва Россия президенти Владимир Путиннинг учрашуви бўлиб ўтди. Учрашувда икки томонлама муносабатларнинг долзарб жиҳатлари, жумладан, 2023 йил 5—7 октябрь кунлари Москва шаҳрида олий даражада эришилган келишувларни амалга ошириш масалалари кўриб чиқилган.
Етакчилар Ўзбекистон билан Россия ўртасидаги кенг қамровли стратегик шериклик ва иттифоқчилик муносабатлари изчил мустаҳкамланиб бораётганини мамнуният билан қайд этган.
Изоҳ (0)