Ўзбекистон Олимпия терма жамоаси сардори ва “Нефтчи” клуби аъзоси Жасур Жалолиддинов Фарғона клубини тарк этди. Бу ҳақда клуб матбуот хизмати хабар берди.
“Жасур Жалолиддиновга аҳил жамоамиз номидан келажакдаги фаолиятида омад ёр бўлишини, жамоамиз равнақи йўлида қўшган ҳиссаси учун миннатдорлик билдирамиз”, дейилади клуб хабарида.
Маълумот учун, 22 ёшли Жалолиддинов “Нефтчи” сафида жами 10 та ўйинда майдонга тушиб, 2 та гол ва 1 та голли узатмага муаллифлик қилди. Футболчининг клуб билан шартномаси 2025 йил ноябригача мўлжалланган эди, бироқ томонлар муддатидан аввал келишувни бекор қилди. Жалолиддинов клубнинг иккинчи давра ўйинларида иштирок этмади.
Жасур Жалолиддинов эркин агентга айланди. Футболчи қайси клубга ўтиши маълум қилинмаган.
Изоҳ (0)