O‘zbekiston Olimpiya terma jamoasi sardori va “Neftchi” klubi a’zosi Jasur Jaloliddinov Farg‘ona klubini tark etdi. Bu haqda klub matbuot xizmati xabar berdi.
“Jasur Jaloliddinovga ahil jamoamiz nomidan kelajakdagi faoliyatida omad yor bo‘lishini, jamoamiz ravnaqi yo‘lida qo‘shgan hissasi uchun minnatdorlik bildiramiz”, deyiladi klub xabarida.
Ma’lumot uchun, 22 yoshli Jaloliddinov “Neftchi” safida jami 10 ta o‘yinda maydonga tushib, 2 ta gol va 1 ta golli uzatmaga mualliflik qildi. Futbolchining klub bilan shartnomasi 2025-yil noyabrigacha mo‘ljallangan edi, biroq tomonlar muddatidan avval kelishuvni bekor qildi. Jaloliddinov klubning ikkinchi davra o‘yinlarida ishtirok etmadi.
Jasur Jaloliddinov erkin agentga aylandi. Futbolchi qaysi klubga o‘tishi ma’lum qilinmagan.
Izoh (0)