Футбол бўйича 23 ёшгача бўлган ўйинчилар ўртасидаги Осиё Кубоги мусобақаси бошланишига ҳам роппа-роса бир ҳафта вақт қолди.
15 апрель куни старт оладиган мусобақа 3 май кунигача давом этади. Қатар мезбонлик қилаётган мусобақанинг аҳамиятли томонларидан бири Парижда бўлиб ўтадиган Олимпиада ўйинлари йўлланмалари ўйналишидир.
Тимур Кападзе бошчилигидаги Ўзбекистон U-23 терма жамоаси ҳам мусобақада иштирок этади.
Кападзе ҳозирча якуний таркибни эълон қилгани йўқ
Бироқ, мусобақа олдидан БААда ўтадиган йиғин учун таркибни маълум қилган.
- Дарвозабонлар: Владимир Назаров (“Пахтакор”), Ҳамидулло Абдунабиев (“Олимпик”), Шукрон Йўлдошев (“Олимпик”). Абдувоҳид Неъматов (“Насаф”);
- Ҳимоячилар: Муҳаммадқодир Ҳамралиев (“Пахтакор”), Одилбек Абдумажидов (“Динамо”), Саидазамат Мирсаидов (“Олимпик”), Маҳмуд Маҳамаджонов (“Бунёдкор”), Алибек Давронов (“Насаф”), Зафармурод Абдираҳматов (“Насаф”), Мурод Раҳматов (“Насаф”), Асадбек Раҳимжонов (“Олимпик”), Аҳмадилло Муқумжонов (“Олимпик”);
- Ярим ҳимоячилар: Иброҳим Ибрагимов (“Олимпик”), Жасурбек Жалолиддинов (“Нефтчи”), Абдурауф Бўриев (“Олимпик”), Умарали Раҳмоналиев (“Рубин”), Фаррух Мухторов (“Олимпик”), Беҳруз Асқаров (“Пахтакор”), Диёр Холматов (“Пахтакор”);
- Ҳужумчилар: Улуғбек Ҳошимов (“Сурхон”), Отабек Жўрақўзиев (“Олимпик”), Ҳусайн Норчаев (“Нефтчи”), Русланбек Жиянов (“Навбаҳор”), Алишер Одилов (“Олимпик”), Пўлатхўжа Холдорхонов (“Пахтакор”).
Йиғин доирасида Тимур Кападзе шогирдлари 10 апрель куни Хитойга қарши баҳс олиб боради.
Ўзбекистон U-23 терма жамоаси гуруҳида кимлар бор?
D гуруҳидан ўрин олган Олимпия терма жамоасига Вьетнам, Кувайт ва Малайзия терма жамоалари рақиблик қилади.
Тимур Кападзе шогирдлари мусобақадаги иштирокини 17 апрель куни Малайзияга қарши ўйин билан бошлайди. Учрашув Ар-Райяндаги Khalifa International стадионида бўлиб ўтади. Ўйиннинг бошланиш вақти: 18:00.
Иккинчи турдаги ўйин эса 20 апрель куни Кувайтга қарши бўлиб ўтади. Ушбу ўйин мезбони Ал-Вакрадаги Al-Janoub стадиони бўлиши кўзда тутилган. Ўйиннинг бошланиш вақти: 20:30.
Гуруҳ босқичидаги сўнгги ўйин Вьетнамга қарши бўлиб ўтади. Баҳс 23 апрель санасида яна Ар-Райяндаги Khalifa International стадионида ўтказилади. Ўйиннинг бошланиш вақти: 20:30.
Тимур Кападзе шогирдлари плей-оффга чиққан тақдирда, қайси жамоага қарши ўйнаши мумкин?
Плей-офф босқичида D гуруҳида биринчи ўринни эгаллаган жамоа C гуруҳи иккинчи бўлган жамоага қарши баҳс олиб боради. D гуруҳида иккинчи ўринни олган терма жамоа эса C гуруҳи етакчисига қарши майдонга тушади.
C гуруҳи қуйидагича кўриниш олган: Саудия Арабистони, Ироқ, Таиланд ва Тожикистон.
Турнир сеткаси:
Эслатиб ўтамиз, ушбу турнирнинг икки финалчиси ҳамда 3-ўрин соҳиби Парижда бўлиб ўтадиган Олимпиада йўлланмасини қўлга киритади.
Изоҳ (0)