Суперлига. “Нефтчи” “Қизилқум”га қарши баҳсда жанговар дуранг қайд этди

Футбол бўйича Ўзбекистон Суперлигасининг 19-тур ўйинлари 19 сентябрь, пайшанба куни старт олди.

Турнинг илк ўйини “Нефтчи” ва “Қизилқум” жамоалари ўртасида кечди. Учрашувнинг 11-дақиқасида Билолхон Тошмирзаев пенальтидан унумли фойдаланиб, ҳисобни очди. 21-дақиқада эса Жавоҳир Қаҳрамонов эса фарғоналикларнинг иккинчи голига муаллифлик қилди. Орадан 6 дақиқа ўтиб, Самандаржон Шукуруллаев ҳисобни қисқартирди. Биринчи бўлим 2:1 ҳисоби билан якунланди.

Иккинчи бўлимда эса “Қизилқум” мувозанатни тиклашга муваффақ бўлди. 70-дақиқада Элгужа Лобжанидзе пенальтини аниқ амалга оширди.

Қолган дақиқаларда дарвозалар ишғол этилмади ва учрашув 2:2 ҳисобидаги дуранг натижа билан якунланди.

Суперлига

19-тур

19 сентябрь, пайшанба

“Нефтчи” – “Қизилқум” 2:2

Голлар: Билолхон Тошмирзаев, 11 пен (1:0), Жавоҳир Қаҳрамонов, 21 (2:0), Самандаржон Шукуруллаев, 27 (2:1), Элгужа Лобжанидзе, 70 пен (2:2).

“Нефтчи”: 45.Акбар Тўраев (1.Ботирали Эргашев, 72), 4.Боян Сигер, 8.Сардор Абдураимов (20.Анваржон Ғофуров, 72), 10.Шохруз Норхонов, 11.Жавоҳир Қаҳрамонов, 21.Мухсинжон Убайдуллаев, 24.Ғулом-Ҳайдар Ғуломов, 30.Қувондиқ Рўзиев, 70.Аббосжон Ғуломов, 77.Билолхон Тошмирзаев, 99.Нсунгуси Эффионг.

“Қизилқум”: 12.Роберт Озолс, 4.Илҳомжон Вахобов, 6.Асрор Ғофуров, 10.Элгужа Лобжанидзе, 13.Николай Тарасов, 17.Муҳаммадали Ғиёсов, 18.Бахтиёржон Қосимов (8.Гиорги Кухианидзе, 46), 22.Шахзодбек Раҳматуллаев, 23.Самандар Шукуруллаев, 25.Азизбек Усмонов (2.Фаррух Жўраев, 46), 77.Файзуллобек Жуманқўзиев.

Огоҳлантириш: Самандар Шукуруллаев (41).