Хакерлар АҚШ собиқ президенти Дональд Трампнинг сайловолди кампаниясидаги ички ҳужжатларга кириш имконига эга бўлди. Бу ҳақда республикачи номзод штаб-квартираси вакили Стивен Чанг маълум қилди.
Чанг бузғунчиликда “АҚШга душман бўлган хорижий манбаларни” айблаган, лекин улар қайси давлат учун ҳаракат қилаётганига аниқлик киритмаган.
Оқ уйдаги Миллий хавфсизлик кенгаши (МХК) вакилига кўра, Адлия вазирлиги бу масалани кўриб чиқмоқда, Федерал тергов бюроси эса изоҳ беришдан бош тортган.
Биз бир неча бор таъкидлаганимиздек, Байден-Ҳаррис маъмурияти бизнинг сайлов жараёнимизга аралашиш ёки демократик институтларимизга ишончни сусайтирмоқчи бўлган ҳар қандай хорижий ҳукумат ёки ташкилотни кескин қоралайди, дейди МХК вакили.
10 август куни Microsoftънинг янги ҳисоботида эронлик хакерлар 2024 йил июнь ойида АҚШ президентлиги учун сайлов кампаниясида “юқори мансабдор шахс” аккаунтини бузиб киргани аниқланди, дея таъкидлаган Чанг ва бу вақт Трамп ўз вице-президентлигига номзодини танлаган пайтга тўғри келишини қўшимча қилган.
Изоҳ (0)