Польша ҳукумати мамлакатнинг асосий давлат янгиликлар сайтига ҳужумлардан сўнг киберхавфсизликни кучайтириш учун 3 миллиард злотий (760 миллион доллар) сарфлашни режалаштирмоқда. Бу ҳақда Bloomberg хабар берди.
Ҳукмрон коалиция келаси ҳафта охирида Европа парламентида бўлиб ўтадиган сайловларда киберхавфсизликни ўзининг кампаниясининг устувор йўналиши сифатида танлаган. Польша рақамлаштириш вазири Кшиштоф Гавковский ҳукумат овоз беришдан олдин киберхавфсизликни яхшилаш чораларини кўргани ва яқинда амалга оширилган ҳужумнинг олди олинганини айтган.
Биз киберхавфсизлик учун 3 миллиард злотийдан кўпроқ ажратмоқчимиз. Бугунги кунда Польша Россиядан энг кўп ҳужумларга дучор бўлмоқда, — дейди вазир.
Унинг таъкидлашича, Россиянинг мақсади “вазиятни беқарорлаштириш ва Европа Иттифоқининг парчаланишини қўллаб-қувватловчи кучлар фойда олишини таъминлашдир”.
Эслатиб ўтамиз, 31 май куни хакерлар Польша ахборот агентлиги (PAP) веб-сайтини бузиб, сафарбарлик “эълон қилгани” ҳақида хабарлар жойлади. PAP ушбу хабарларни ўчириб ташлади, раддия эълон қилди. Польша ҳукумати ҳужум ортида Россия турганини маълум қилди.
Изоҳ (0)