«Иқтисодий шарҳ» журнали 2022 йил июль ҳолатига кўра, Ўзбекистондаги банкларда бирламчи бозордан автотранспорт воситаларини хариди учун қулай автокредитлар рейтинги аниқлади.
Мазкур рейтингни тузишда кредит шартлари — бошланғич тўлови, фоиз ставкаси, имтиёзли давр, кредит муддати ва миқдори каби омиллар инобатга олинган.
Марказий банкнинг 2022 йил биринчи чоракдаги мавжуд статистик маълумотларига кўра, жами банклар томонидан автокредит учун 1,3 трлн сўм ажратилган.
Ҳозирда 33 та банкдан фақат 22 таси бирламчи бозордан автотранспорт воситаларини хариди учун кредитлар таклиф қилмоқда.
Қуйидаги банклар кредитлар таклиф этмаяпти:
- «TBC Bank»;
- «Ўзагроэкспортбанк»;
- «Анорбанк»;
- «Универсал банк»;
- «Пойтахт банк»;
- «High-tech Bank»;
- «ЎзКДБ Банк»;
- «Мадад Инвест Банк»;
- «Ипотека банк»;
- «Туркистон банк».
Рейтинг натижаларига кўра, жисмоний шахсларга таклиф этиладиган қулай автокредитлар бўйича «Ипак йўли банк» 1 ва 2-ўринларни эгаллади.
Ушбу банк йиллик фоиз ставкаси мос равишда 21,9—22,99 фоиз, бошланғич тўлов 25 фоиз, 4 йил муддатга, ҳамда кредит миқдори 450 млн сўмгача бўлган шартларда кредит таклиф этмоқда.
Умумий рейтингда «Ориент Финанс банк» 3-ўринни эгаллади. Ушбу банкда автокредит олиш шартлари, яъни бошланғич тўлов – 25 фоиз, фоиз ставкаси – 24 фоиз, кредит миқдори – 450 млн сўмгача, ҳамда кредит муддати – 48 ой.
Рейтингда «Турон банк» 35-ўринда жойлашганига сабаб ушбу банк мижозларга қуйидаги шартлар асосида автокретилар таклиф қилмоқда:
- йиллик фоиз ставка – 28 фоиз;
- бошланғич тўлови – 30 фоиз;
- кредит муддати – 36 ой;
- кредитнинг максимал қиймати – 500 млн сўмгача.
Натижаларга кўра, умумий рейтингда 36-ўринда жойлашган «Равнақ банк» автокредитлар ажратиш учун қуйидаги шартларни белгилаган:
- бошланғич тўлови – 30 фоиз;
- йиллик фоиз ставкаси – 28 фоиз;
- кредит муддати – 36 ой;
- кредит қиймати — 500 млн сўмгача.
Рейтингда 37-ўринни эгаллаган «Халқ банк» автокредит олиш учун банкга мурожат қилган мижозларга қўйидаги шартларда: бошланғич тўлови – 30 фоиз, йиллик фоиз ставкаси – 27 фоиз, кредитни қоплаш учун ажратиладиган муддат – 30 ой ва шу билан бирга кредит учун бериладиган қиймат 300 млн сўмгача кредитлар ажратмоқда.
Бирламчи бозордан автотранспорт воситаларини харид қилиш учун автокредитлар бўйича энг паст ставкани «Ипак йўли банк» (21,9 фоиз), «Асака банк» (23 фоиз), «Эрон Садерат банк» (23 фоиз) тақдим этаётган бўлса, энг юқори ставка «Давр банк» (29,99 фоиз) ва «Равнақ банк» (29 фоиз) томонидан таклиф этилмоқда.
Маълумотлар банкларнинг веб-сайтларидан олинган бўлиб кредит шартлари ўзгариши мумкин.
Изоҳ (0)