2022 йил октябрь ҳолатига кўра, Ўзбекистон банкларида фуқароларга бирламчи бозордан автотранспорт воситаларини хариди учун қулай автокредитлар рейтинги аниқланди. Бу ҳақда «Дарё»га «Иқтисодий шарҳ» журналидан маълум бўлди.
Мазкур рейтингни тузишда кредит шартлари — бошланғич тўлови, фоиз ставкаси, кредит муддати ва миқдори каби омиллар инобатга олинган.
Марказий банкнинг статистик маълумотларига кўра, 2022 йил август ойигача жами банклар томонидан автокредит учун 4,7 трлн сўм ажратилган.
Ҳозирда 33 та банкдан фақат 24 таси бирламчи бозордан автотранспорт воситаларини хариди учун кредитлар таклиф қилмоқда.
Бирламчи бозордан автотранспорт воситалари хариди учун қуйидаги банклар кредитлар таклиф этилмаяпти:
- «Ўзагроэкспортбанк»;
- «Равнақ банк»;
- «Универсал банк»;
- «Пойтахт банк»;
- «Hi-tech банк» (Марказий банк томонидан 7 октябрда лицензияси бекор қилинди);
- «ЎзКДБ Банк»;
- «Мадад Инвест Банк»;
- «Ипотека банк»;
- «Туркистон банк» (Марказий банк томонидан 7 октябрда лицензияси бекор қилинди).
Асосан, юқорида кўрсатилган банкларнинг баъзилари автокредитларини вақтинча тўхтатиб қўйган.
Рейтинг натижаларига кўра, жисмоний шахсларга таклиф этиладиган қулай автокредитлар бўйича рейтингда «Садерат банк» 1-ўринни эгалади. Ушбу банк йиллик фоиз ставкаси 23 фоиз, бошланғич тўлов 20 фоиз, 4 йил муддатга ҳамда кредит миқдори 600 млн сўмгача бўлган шартларда кредит таклиф этмоқда.
Умумий рейтингда «Ипак йўли банк» 2-ўринни эгаллади. Ушбу банкда автокредит олиш шартлари, яъни бошланғич тўлов — 25 фоиз, фоиз ставкаси — 21,9 фоиз, кредит миқдори — 450 млн. сўмгача ҳамда кредит муддати — 48 ой.
Рейтингда 3-ўринни эгаллаган «Капитал банк» автокредит олиш учун банкга мурожаат қилган мижозларга қўйидаги шартларда:
- бошланғич тўлови – 20 фоиз;
- йиллик фоиз ставкаси — 24 фоиз;
- кредитни қоплаш учун ажратиладиган муддат — 60 ой;
- кредит учун бериладиган қиймат 300 млн сўмгача кредитлар ажратмоқда.
«
Ҳисоб-китоблар Иқтисодий тадқиқотлар ва ислоҳотлар маркази методологияси бўйича амалга оширилган
Рейтингда «Asia Alliance банк» 39-ўринда жойлашганига сабаб ушбу банк мижозларга қуйидаги шартлар асосида автокретилар таклиф қилмоқда:
- йиллик фоиз ставка — 27,99 фоиз;
- бошланғич тўлови – 0 фоиз;
- кредит муддати — 48 ой;
- кредитнинг максимал қиймати — 400 млн сўмгача.
Натижаларга кўра, умумий рейтингда 40—41-ўринларда жойлашган «Агробанк» автокредитлар ажратиш учун қуйидаги шартларни белгилаган, бошланғич тўлови — 25 фоиз, йиллик фоиз ставкаси — 26-27 фоиз мос равишда, 36-48 ой муддатга ва кредит қиймати 300 млн сўмгача.
Бирламчи бозордан автотранспорт воситаларини харид қилиш учун автокредитлар бўйича энг паст ставкани «Ипак йўли банк» (21,9 фоиз), «Асака банк» (23 фоиз), «Садерат банк» (23 фоиз) тақдим этаётган бўлса, энг юқори ставка «Davr bank» (27,99 фоиз) ва «Asia Alliance банк» (27,99 фоиз) томонидан таклиф этилмоқда.
Июль ойидаги таҳлилга нисбатан банклар томонидан ажратилаётган автокредитлар фоиз ставкаси -4 дан +1 фоизгача ўзгарганлиги ҳамда ўртача йиллик фоиз ставкалар 25,7 фоиздан 25 фоизга пасайганлиги аниқланди.
Маълумотлар, тижорат банкларининг веб сайтларидан олинган бўлиб кредит шартлари ўзгариши мумкин.
Изоҳ (0)