Ўзбекистон транспорт вазири ўринбосари Жасурбек Чориев Hyundai Rotem компаниясининг Global Rail Group раҳбари Квак Чол Хун бошчилигидаги делегация вакиллари билан учрашди. Бу ҳақда вазирлик матбуот хизмати хабар берди.
Учрашувда томонлар замонавий электропоездларни ишлаб чиқаришни маҳаллийлаштириш лойиҳаси юзасидан фикр алмашди.
Хусусан, Жанубий Кореянинг Korail компанияси томонидан бугунги кунда эксплуатация қилинаётган электропоездлар турини “Тошкент йўловчи вагонларни қуриш ва таъмирлаш заводи” АЖда маҳаллийлаштириш орқали ишлаб чиқариш таклифи юзасидан тақдимот ўтказилди.
Маҳаллийлаштириш асосида ишлаб чиқариш таклиф қилинаётган электропоездларнинг асосий техник хусусиятлари бўйича маълумотлар тақдим этилди.
Учрашув якунида томонлар лойиҳа бўйича қўшимча имкониятларни ўрганиш, таклифларни таҳлил қилиш ва янги ишлаб чиқариш ҳудудларини кўздан кечиришни келишиб олишди.
Изоҳ (0)