Тошкент шаҳар Миробод туманида 15 ёшли қиз вафот этди. Ҳолат юзасидан Бош прокуратура “Дарё”га маълумот берди.
Унга кўра, 2023 йилнинг 28-сентябр куни Миробод тумани, Катта Миробод кўчасида яшаган 2008 йилда туғилган вояга етмаган М.А. вафот этган. Суд-тиббиёт экспертизасининг дастлабки маълумотномасига кўра, марҳуманинг ўлимига “номаълум этиологияли моддадан заҳарланиш” сабаб бўлган.
Миробод туман прокуратураси томонидан терговга қадар текширув ҳаракатлари олиб борилмоқда.
Маълумот тариқасида келтирилишича, 2023 йилнинг сентябр бошида унинг онаси фарзанди яшаш хонадонидан номаълум томонга чиқиб кетганини, муқаддам ҳам бу ҳолат бир неча бор такрорланганини маълум қилиб, фарзандини топиб берилишида амалий ёрдам сўраган.
Изоҳ (0)