Қашқадарё вилоятининг Косон ҳамда Қамаши туманларида сув насосларини ўзбошимчалик билан тармоққа улаб, энергия ресурсларига ноқонуний фойдаланиш ҳолатлари аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Косон туманидаги “Б.И.” фермер хўжалиги раҳбари А.Ф. ҳамда Қамаши туманидаги “П.С.” фермер хўжалиги раҳбари С.П. хўжаликнинг электр сув насосларини тижорат мақсадида тармоққа ўзбошимчалик билан улаб, жами 349,2 млн сўмлик электр энергиясидан ноқонуний фойдаланганликлари аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)