Олий суд раисининг матбуот котиби Азиз Абидов фуқароларнинг блогерга пул тўлаб, суд билан боғлиқ жараёнларда ўз манфаатига хизмат қилувчи қарор чиқаришга уриниши хато эканини айтмоқда. Бу ҳақда у Паркент туманида Олий суд, АОКА, Миллий масс-медиани қўллаб-қувватлаш ва ривожлантириш жамоат фонди ҳамда USAID ҳамкорлигида бўлиб ўтаётган “Оммавий ахборот воситаларида судлар фаолиятини ёритиш: қонун талаби ва масъулиятли ёндашув” мавзусидаги семинар-тренингда гапирди.
Менга қизиқ томони одамларимиз блогер билан шартнома асосида уларга пул тўлаб, бизнинг муаммойимизни кўтарсангиз, ечим топилса, бошқа бир қарор чиқарилишига ёрдам беринг дейишади. Блогерда бундай ваколат йўқ. Унинг қўлидан бу иш келмайди. У шунчаки ҳолатни кўрсатади. Суд қарорлари ўзгармаса, блогерга пул берган одамлар бизнинг ишимизни ҳал қилиб беролмадинг дея унга эътироз билдириши мумкин. Шунақа ҳолатлар ҳам бўлди. Бу ҳолатлар юзасидан айрим блогерларга жиноят иши ҳам очилди. Жавобгар ҳам бўлишди, дейди Олий суд ахборот хизмати раҳбари Азиз Абидов.
Масъулнинг айтишича, айни кунда ОАВ вакиллари, айнан журналистларда суд ишини ёритишда ихтисослашув пайдо бўлган ва бу ҳар икки томон учун ҳам бирдек манфаатли бўлмоқда.
Тўғри, аввалроқ айрим интернет сайтлари, телевидение ходимларининг суд жараёнларини ёритишда қандайдир хатоликлари ҳам бўлди. Суд ҳокимияти билан тушунмовчиликлар ҳам бўлди. Лекин ҳозир айрим хато-камчиликларни инобатга олмаса ўз йўлига тушиб олди. Бугунги кунда ҳам судга кириш ёки кирмаслик билан боғлиқ муаммолар ҳам бор, йўқ эмас. Аммо блогерларнинг фаолияти хали-ҳамон бирор бир қонун билан тартибга солинмагани учун уларда меъёрдан чиқиб кетиш ҳолатлари бўлмоқда. Бу афсусланарли ҳолат, дейди Азиз Абидов.
-BwxotKBk.jpg)
-G6tCbw5N.jpg)
Олий суд ахборот хизмати раҳбари блогерларга пул тўлаб суд жараёнларида ютишга уринаётган фуқароларга бу пулларни профессионал адвокатларга тўлашни маслаҳат бермоқда.
-2OBM4DTQ.jpg)
Ҳақиқат ва адолатга суд залида эришилади. Лекин айрим фуқаролар биринчи инстанция қароридан норози бўлиб, кейинги инстанцияга мурожаат ҳам қилмай, “бу суд адолатсиз, ноқонуний қарор қабул қилди дея”, судга нисбатан жамоатчиликда ишончсизлик пайдо қилишга уринади, дейди Олий суд масъули.
Изоҳ (0)