Шарқий Бихар штатида Жеевитпутрика фестивалини нишонлаш чоғида камида 43 киши, жумладан, 37 бола сувга чўкиб ҳалок бўлган ва яна уч киши бедарак йўқолган.
Бу ҳақда Биҳар табиий офатларга қарши курашиш бошқармаси маълум қилди.
Байрам давомида штатнинг турли қисмларида дарё ва ҳовузларда муқаддас сувда чўмилиш маросимларида одамлар ҳалок бўлди.
"Ҳозиргача жами 43 кишининг жасади топилди. Қидирув операцияси давом этмоқда", - дейилади бошқарма хабарида. Фожиали ҳолатлар штатнинг 15 та туманида қайд этилган.
Жеевитпутрика - Биҳардаги энг катта байрамлардан бири бўлиб, унда аёллар ўз фарзандларининг фаровонлиги учун рўза тутишади ва муқаддас сув ҳавзаларида болаларини чўмилтиришади.
Ёз ойларида Ҳиндистонда жазирама иссиқ туфайли 110 нафардан ортиқ киши ҳалок бўлгани хабар қилинганди. Пойтахт Деҳлида 19 июнь куни охирги 50 йил ичидаги энг иссиқ тун кузатилган. Минимал ҳарорат Цельсий шкаласи бўйича 35,2 даражадан пастга тушмаган.
Изоҳ (0)