Рамзан Қодиров ваҳҳобийларнинг яқинларини ўлдиришга чақирди

Чеченистон раҳбари Рамзан Қодиров ваҳҳобийликда гумон қилинган чеченларнинг қариндошларини ўлдиришга чақирди.

Агар гумонланувчи шайтонларга алоқадор бўлса, унинг барча уруғи жавобгарликка тортилиши керак. Ким биродаримизга тажовуз қилса, биз қон адовати орқали ҳаммани: отасини, укасини, амакисини ўлдирамиз, дейди Қодиров.

“Чечня сегодня” давлат агентлиги Қодиров хавфсизлик ходимини ўлдиришга уринганларнинг қариндошларини қонун доирасида тўлиқ жазолаш билан таҳдид қилганини хабар қилган эди. Минтақада террористик жиноятларнинг олдини олиш бўйича ишларни кучайтириш масалалари муҳокама қилинган. Қодиров Доғистондаги терактлар муносабати билан ҳуқуқ-тартибот идораларини жамоат хавфсизлигини таъминлаш ва терроризмнинг олдини олиш бўйича ишларни кучайтиришга чақирган.

Ҳуқуқ-тартибот идоралари ва давлат идоралари ходимларининг ҳаётига ҳар қандай ҳужумлар нафақат жиноят содир этганлар, балки уларга билвосита ёрдам берганлар ҳам қонун доирасида тўлиқ жазоланишини алоҳида таъкидладим, дейилади Қодиров постида.

24 июнь куни жангариларнинг икки гуруҳи Дербент ва Махачқалъадаги черков ва синагогаларга, шунингдек, полиция ходимлари ва Россия Миллий гвардияси ходимларига ҳужум қилган эди. Россия Тергов қўмитаси маълумотларига кўра, терактлар оқибатида 21 киши ҳалок бўлган, улардан 15 нафари ҳуқуқ-тартибот ходимлари бўлган.