Чеченистон раҳбари Рамзан Қодиров соғлиғи ҳақида тарқалган хабарларга муносабат билдирди. Бу ҳақда “РБК” хабар берди.
“Агар юраётган бўлсам, тирикман, демак, Оллоҳга шукур, соғлиғим жойида. Шифокорларнинг айтишича, организмим худди ёш йигитникидек экан”, дейди Қодиров.
Чеченистон раҳбари одамлар унга доимо “турли касалликларни тўқиб чиқариши”ни маълум қилди. Қодировнинг соғлиғи кескин ёмонлашгани ҳақидаги миш-мишлар дастлаб 2023 йилнинг баҳорида пайдо бўлганди. Бунга унинг ўзгарган қиёфаси сабаб бўлган. Жумладан, у жуда кўп вазн олган, юзлари шишган ва носоғлом кўринишга эга бўлган.
Шундан сўнг буйрак билан боғлиқ муаммолар ҳақидаги версиялар пайдо бўлган. Муаммолар заҳарланиш натижасида юзага келгани ҳақида миш-мишлар тарқалган.
Рамзан Қодиров соғлиғидаги муаммолар ҳақидаги хабарларни бир неча бор рад этиб, “соғлом ва кучга тўла” эканини билдирган. Хусусан, у ҳар уч ойда текширувлардан ўтишини айтиб, охирги текширувда “Д витамини пасайганини” айтган. Шундан сўнг Қодиров саломатлигини исботлаш учун камера олдида 30 марта “отжимания” қилганди.
Изоҳ (0)