Тошкентнинг уч туманида газ етказиб бериш вақтинча тўхтатилади 

Тошкентнинг уч тумани: Шайхонтоҳур, Яшнобод, Сергелида газ етказиб бериш вақтинча тўхтатилади. Бу ҳақда “Ҳудудгаз Пойтахт” ГТФ хабар берди. 

Маълум қилинишича, таъмирлаш ишлари туфайли Шайхонтоҳур, Яшнобод ва Сергели туманларининг қуйидаги ҳудудларига 10 сентябрь куни табиий газ етказиб бериш вақтинча тўхтатилади. 

Шайхонтоҳур тумани (соат 09:00 дан 19:00 гача)

• аҳоли истеъмолчилари сони: “Ипакчи” МФЙдаги 120 та ерли хонадон
• “Жарариқ” МФЙдаги 250 та ерли хонадон
• “Янги Жарариқ” МФЙдаги 9 та кўп қаватли уй
• “Белтепа” МФЙдаги 26 та кўп қаватли уй
• Ибн Сино 1-2-мавзесидаги 30 та кўп қаватли уй
• “Зафаробод” МФЙдаги 45 та ерли хонадон
• улгуржи истеъмолчилар сони: 30 та.

Яшнобод тумани (соат 10:00 дан 18:00 гача)

• аҳоли истеъмолчилари сони: “Гўзал” МФЙдаги 600 та ерли хонадон ва кўп қаватли уйлардаги 400 та хонадон
• улгуржи истеъмолчилар сони: 20 та.

Сергели тумани (соат 11:00 дан 17:00 гача).

• аҳоли истеъмолчилари сони: Беруний, Хонобод, Кичик Хонобод ва Соҳил 1-2-кўчаларидаги 1238 та ерли хонадон, Қурувчилар кўчасидаги 112 та ерли хонадон
• улгуржи истеъмолчилар сони: 12 та.

Таъмирлаш ишлари тугатилгандан сўнг, табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўради.

Аввалроқ Тошкент шаҳрининг икки тумани Бектемир ва Учтепада 10 сентябрь куни электр таъминоти вақтинча ўчирилиши ҳақида хабар берилганди.