Август ойининг охирида Республика болалар кутубхонасида “Ўзбекистон овози кўчаси: Кеча, бугун, эртага” ободонлаштириш ғоясининг тақдимоти бўлиб ўтган эди. Россиянинг Луди_Арчитеcц бюроси меъморлари аҳоли ва шаҳар маъмурияти эътиборига кўчанинг “Ўзбекистон” меҳмонхонасидан Экопарккача — реконструкция қилиш концепцияси, янги қиёфасини ҳавола қилди. Лойиҳа “Ташкент Инвест” компанияси ташаббуси ҳамда Ўзбекистон Маданияти ва санъатини ривожлантириш жамғармаси бошчилигида яратилган.
Ўзбекистон Овози — Тошкентнинг марказий кўчаларидан бири. У Мирзо-Улуғбек туманида жойлашган ва қисман Буюк-Ипак-Йўли турар-жой мавзесига киради. Узунлиги 750 метр, кенглиги 25 метрдан 40 метргача, ҳозирда автомобиль йўллари сони 2 та.
Концепция кўча бошидан кечирган анъанавий, модернистик ва замонавий каби турли тарихий даврларни талқин этади. Ҳар бир давр янги ободонлаштириш режасида ўзининг муносиб ўрнини топган. Кўча лойиҳасида устуворлик пиёдаларга қулайлик яратишга қаратилган: тўлақонли велойўлакчаларни бунёд этиш, пешлавҳалар учун ягона дизайн-код ишлаб чиқиш ҳамда бино олд қисмларини кўркамлаштириш назарда тутилган.
Лойиҳанинг асосий жиҳатлари:
- Яшил каркас ва микроиқлим: Кўча мавжуд кўкаламзорлаштиришни ҳисобга олган ҳолда ободонлаштирилади. Лойиҳа кўчатларни сақлаш ва кўпайтиришга қаратилган бўлиб, бу қулай микрокиқлимни сақлаб қолишга ёрдам беради.
- Пиёдалар ва велосипед инфратузилмаси: Лойиҳада тротуарларни кенгайтириш ва велосипед йўлакларини яратиш режалаштирилган, бу кўчани пиёдалар ва велосипедчилар учун қулай ва хавфсиз қилади. Велосипед тураргоҳлари ва бошқа кичик архитектура элементлари ўрнатилади.
3. Фасадларни реконструкция қилиш: Кўча миллий ҳунармандчилик ва миллий нақшлар элементларидан фойдаланган ҳолда замонавий фасадлар билан безатилади. Ойна ва эшик тўлдирувчиларини алмаштириш, шунингдек, фасадларнинг ягона услубда безатилиши кўзда тутилган.
4. Тарихий идентификация: Лойиҳа доирасида кўчанинг тарихий ривожланиши акс эттирилади. Революциядан олдинги, собиқ иттифоқ ва замонавий даврларнинг ривожланиш даврларига урғу берган ҳолда кўчанинг айрим фрагментларини реконструкция қилиш ва модернизациялаш режалаштирилган.
5. Қулай жамоат ҳудудлари: Кўчада янги дам олиш масканлари, кафелар ва жамоат жойлари пайдо бўлади, улар барча аҳоли учун қулай ва очиқ бўлади.
Бу лойиҳа Тошкентнинг шаҳар муҳитини яхшилаш дастурининг бир қисми бўлиб, унинг мақсади тарихий ва маданий хусусиятларини сақлаб қолган ҳолда замонавий мегаполисни яратишдан иборат.
Лойиҳа ишларининг боришини кузатиш учун Telegram тармоғида махсус канал ҳам очилган. “Дарё” фотомухбири ушбу кўчада бўлиб, олиб борилаётган ободонлаштириш ишларини кадрларга муҳрлади.
Изоҳ (0)