Ветеринария ва чорвачиликни ривожлантириш давлат қўмитаси томонидан “Бутунжаҳон ҳайвонлар соғлигини ҳимоя қилиш ташкилотини 100 йиллиги”га бағишланган видеоролик ишлаб чиқиш бўйича бошланғич нархи 370 млн сўмлик танлов эълон қилинган. Ушбу тендер бўйича маълумот Товар-хом ашё биржаси порталида мавжуд.
Техник топшириқ ҳужжатларига кўра, видеоролик давомийлиги 3 дақиқа этиб белгиланган.
Шунингдек, техник топшириққа кўра, видеороликни Ўзбекистон ва чет эл телеканалларида ҳамда ўз YouTube, Telegram каналларида тарғибот ишларини олиб бориш белгилаб қўйилган.
Танловда 224 млн сўм нарх таклифи билан Satart Haus Building МЧЖ ғалаба қозонган.
Маълумот учун, ушбу МЧЖ яшашга яроқсиз жойларни ижарага бериш ва бошқариш фаолияти билан шуғулланади.
Изоҳ (0)