Ўзбекистон “Миллий тикланиш” демократик партиясининг IX қурултойида тасдиқланган сайловолди дастурида бош шиор сифатида “Қадриятларга таянган тараққиёт учун” ғоясини илгари сургани бежиз эмас.
Хабарингиз бор, 2024 йил 27 октябрда Ўзбекистонда Қонунчилик палатаси ва маҳаллий Кенгашларга сайловлар бўлиб ўтади.
“Миллий тикланиш” демократик партияси аъзолар сони 2024 йилга бориб 762 минг нафар аъзолари бўлиб, доимий электорати ва тарафдорларига эга бўлган сиёсий куч сифатида жамият ҳаётида ўз ўрнини эгаллаган партиялардан биридир.
-XsnJPlF1.jpg)
Партиянинг амалдаги сайловолди дастурида 300 дан ортиқ вазифалар белгиланган бўлиб, шу вақтга қадар мазкур вазифаларнинг 294 таси (98 фоизи) ни ижросини таъминлашга эришилган.
Жумладан: 30 таси – қонунчиликда, 130 таси – Президент қарор ва фармонларида, 77 таси – Вазирлар Маҳкамаси ва вазирликларнинг қарорларида, 25 таси – 2022—2026 йилларга мўлжалланган Янги Ўзбекистоннинг тараққиёт стратегиясини 2023 йилда амалга оширишга оид Давлат дастурида таклифлари орқали акс эттирган.
Аввал таъкидланганидек бу сафарги парламент сайловлари замонавий ахборот-коммуникация технологияларидан фойдаланиш жиҳатидан мутлақо янги даражада ўтказилмоқда. Бу ўз навбатида бюджет маблағларини тежаш имконини яратмоқда.
Шу билан бирга “Педагоглар мақоми тўғрисида”ги қонун ташаббуси қилди 2020/2021-ўқув йилидан 1-9-синфлари учун ҳамда 2021/2022-ўқув йилидан 10-11-синфлар учун “Тарбия” фани жорий этилишига эришилди, маҳаллий ижро ҳокимияти раҳбарини бир вақтнинг ўзида халқ депутатлари маҳаллий Кенгаши раиси бўлиши билан боғлиқ тартибни бекор қилиш қонунчиликда аниқ белгилаб қўйилди.
Қурултойда партиянинг вакиллик органларига бўлиб ўтадиган сайловларда иштироки билан боғлиқ муҳим масала ҳам кўриб чиқилди.
-x5g_Ee2Y.jpg)
Партия янги сайловолди дастури лойиҳасида ўзбек тилидаги маълумотлар базасини кенгайтириш, ҳар йили хорижий тилдаги мингта илмий адабиётни давлат тилига таржима қилиш, шунингдек, юқорида саналган муаммолар ечимига қаратилган бошқа қатор таклифлар илгари сурмоқда.
-JYVfdV0x.jpg)
Шу жумладан, “Давлат тили ҳақида”ги қонунни бузганлик учун жавобгарликни кучайтириш, маҳалла фаолиятини такомиллаштириш, маданий меросимизни муҳофаза қилиш, ҳунармандчилик мақомини ўзгартириш, оилавий ажримларнинг олдини олиш, турли маросимларни тартибга солиш, туризмни ривожлантириш йўлидаги муаммоларни бартараф этиш, миллат генофондини сақлаш, озиқ-овқат хавфсизлигини таъминлаш, халқ табобатини ривожлантириш, хориждаги ватандошларимиз манфаатини ҳимоя қилиш, аҳолининг ҳуқуқий ва сиёсий маданиятини ошириш устувор вазифа этиб белгилади.
Изоҳ (0)