Саудия Арабистони Фуқаро муҳофазаси бош бошқармаси фуқаролар ва хорижлик меҳмонларни момақалдироқ ва кучли шамол вақтида эҳтиёт бўлишга чақирди. Бу ҳақда “Дунё” ахборот агентлиги хабар бермоқда.
![](/static/2024/09/03/imgonline-com-ua-FrameBlurred-2ULX7H71tp8l-NqKPMhlD.jpg)
Сўнгги кунларда Саудия Арабистони айрим ҳудудларида, жумладан, Макка ва Мадина каби икки шаҳарларда кучли ёмғир ва шамол кузатилди.
28—29 август кунлари Мадина шаҳрида кучли шамол эсиб, шиддатли ёмғир ёғгани сабаб сув тошқинлари кузатилди. Шаҳардаги бир қатор йирик кўча ва йўлларга, автомобилларга жиддий зарар етди. Айрим турар жой бинолари сув остида қолди.
Айни пайтда Саудия Арабистони Миллий метеорология маркази ва фуқаро муҳофазаси бош бошқармаси Мадина шаҳри ва унинг атрофидаги ҳудудларда кучли ёғингарчилик туфайли огоҳлантириш даражаси қизил ранггача кўтарилганини эълон қилди. Бундай об-ҳаво сентябрь ойининг биринчи ўн кунлигига қадар давом этиши мумкинлиги маълум қилинган.
Фуқаро муҳофазаси бош бошқармаси фуқаролар ва хорижлик меҳмонларни момақалдироқ ва кучли шамол вақтида эҳтиёт бўлишга чақирди.
Довул туфайли қиролликдаги мактаб, коллеж ва университетларда дарсларни онлайн тарзда ўтказишга қарор қилинди.
Изоҳ (1)
Menimcha ekologiyaning bu tarda o‘zgarishi havoning ifloslanishi va azon qatlamining yupqalashi sabab bo‘lsa kerak.