Жанубий Кореяда Telegram компанияси ўсмирлар суратлари асосида сунъий интеллект томонидан яратилган порнографик сохта маълумотларни тарқатиш билан боғлиқ жинсий жиноятларни содир этишда шерикликда гумон қилинмоқда.
![](/static/2024/09/02/photo_2024-09-02_19-36-18-B-TmzxN-.jpg)
Yonhap нашрига кўра, полиция расмий айбловларни тайёрлаш мақсадида бу борада дастлабки терговни бошлаган.
“Франциядаги каби Сеул шаҳар полицияси Telegram’га нисбатан расмий айбловлар қўйишдан олдин терговни бошлади”, дейди Жанубий Кореянинг Жиноят қидирув миллий агентлиги раҳбари У Чон Су.
Унинг сўзларига кўра, гап жиноятга шериклик (сохта видеоларни тарқатиш) ҳақида бормоқда.
Шу билан бирга, Чон Су Telegram нафақат Жанубий Кореяга, балки бошқа мамлакатлар, хусусан, АҚШ миллий тергов органларига ҳам текширув учун ҳеч қандай маълумот, хусусан ҳисоблар ҳақидаги маълумотларни тақдим этмаётганини таъкидлаган.
У, шунингдек, Сеул Telegram’даги терговда Франция расмийлари ва турли халқаро ташкилотлар билан ҳамкорлик қилиш ниятида эканини айтган.
30 август куни Yonhap ахборот агентлиги Сеул шаҳар полицияси агентлигига таяниб, Жанубий Кореяда 279 та сохта порнографик видео яратишда гумон қилинган йигит ўзининг Telegramъдаги канали фойдаланувчилари унга портрет суратлари ва танишларининг тавсифларини юборганидан сўнг қўлга олинганини ёзган.
Агентликка кўра, 246 нафар киши Telegram’даги мазкур жиноят қурбони бўлган. 22 август куни гумонланувчи фавқулодда ҳибсга олинган.
Қайд этилишича, ўтган ҳафтанинг ўзида Жанубий Корея полициясига порнографик сохта маълумотларни тарқатиш бўйича 88 та ҳолат ҳақида хабар берилган. Бу борада 24 нафар гумондор шахс аниқланган.
Изоҳ (0)