WBA, WBC, WBO ва IBO йўналишлари бўйича супер оғир вазн тоифаси чемпиони Олександр Усик ким билан жанг ўтказишни хоҳлашини айтди.
![](/static/2024/08/26/d88e4c_no_logo_no_text-9oquusNH.jpg)
“Менга қизиқ рақиблар қолдими? Эҳтимол, Энтони Жошуа билан учинчи жанг ёки Тайсон Фьюри билан реванш жанги қизиқ бўлиши мумкин”, деди Усик YouTube Video NV каналига берган интервьюсида.
Эслатиб ўтамиз, Усик ва Фьюри ўртасидаги илк жанг 19 май тонгида Саудия Арабистонида бўлиб ўтганди. Жанг 12 раунд давом этди ва украиналик спортчининг очколар ҳисобидаги ғалабаси билан якунланди. Тўққизинчи раундда Олександр Тайсонни нокаутга учратди, аммо британиялик жангни давом эттиришга куч топа олганди.
Усик Жошуа билан иккита жанг ўтказган ва икки марта ҳам ғалаба қозонган. Биринчи жангда Усик ҳакамларнинг якдил қарори билан ғалаба қозонган бўлса, иккинчи жангда очколардаги кичик фарқ эвазига украиналик боксчи ғалаба қозонди.
Изоҳ (0)