WBA, WBC, WBO va IBO yo‘nalishlari bo‘yicha super og‘ir vazn toifasi chempioni Oleksandr Usik kim bilan jang o‘tkazishni xohlashini aytdi.
“Menga qiziq raqiblar qoldimi? Ehtimol, Entoni Joshua bilan uchinchi jang yoki Tayson Fyuri bilan revansh jangi qiziq bo‘lishi mumkin”, dedi Usik YouTube Video NV kanaliga bergan intervyusida.
Eslatib o‘tamiz, Usik va Fyuri o‘rtasidagi ilk jang 19-may tongida Saudiya Arabistonida bo‘lib o‘tgandi. Jang 12 raund davom etdi va ukrainalik sportchining ochkolar hisobidagi g‘alabasi bilan yakunlandi. To‘qqizinchi raundda Oleksandr Taysonni nokautga uchratdi, ammo britaniyalik jangni davom ettirishga kuch topa olgandi.
Usik Joshua bilan ikkita jang o‘tkazgan va ikki marta ham g‘alaba qozongan. Birinchi jangda Usik hakamlarning yakdil qarori bilan g‘alaba qozongan bo‘lsa, ikkinchi jangda ochkolardagi kichik farq evaziga ukrainalik bokschi g‘alaba qozondi.
Izoh (0)