Тошкент вилояти Янгийўл туманида ичимлик сувига ноқонуний уланган фирма раҳбари 5 йилга қамалди. Бу ҳақда “Тошкент вилояти сув таъминоти” хабар берди.
Унга кўра, сув таъминот корхонаси билан икки томонлама шартнома тузмасдан ичимлик суви тармоғига уланиб фойдалангани учун Янгийўл туманида фаолият юритувчи “HTB-AS invest” МЧЖ корхонасига 294 511 319 сўм ҳисоб-китоб қилинган.
Ушбу хатти-ҳаракат учун “HTB-AS invest” МЧЖ раҳбари А.Х. Жиноят кодексининг 169-моддаси 3-қисми “в” бандида назарда тутилган жиноятни содир этганликда айбдор деб топилиб, 5 йил 1 ой муддатда озодликдан маҳрум қилинди.
Шунингдек, унга Жиноят кодексининг 57-моддаси қўлланилиб, базавий ҳисоблаш миқдорининг 150 баробар миқдорида, яъни 45 000 000 сўм жарима жазоси тайинланди.
Изоҳ (0)