Андижон вилоятининг Асака туманида фермер хўжаликларига қарашли сув насосларни электр тармоғига яширинча улаб, 489 млн сўмлик электр энергиясидан ноқонуний фойдаланиш ҳолатлари аниқланди. Бу ҳақда “Ўзэнергоинспекция” хабар берди.
Маълум қилинишича, Асакада жойлашган “Т.А.Ч” ва “Н.О.З.” фермер хўжаликларига тегишли бўлган дала майдонларига ўрнатилган сув насослари ўзбошимчалик билан тармоққа тўғридан тўғри улаб, электр энергиясидан ноқонуний фойдаланганлиги аниқланди.
Дастлабки ҳисоб-китобларга кўра, давлат манфаатларига етказилган зарар миқдори 489 млн сўмни ташкил этган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Изоҳ (0)