Хоразм, Бухоро, Самарқанд ва Андижон вилоятларида табиий ресурс тармоқларига ноқонуний уланиш ҳолатлари фош этилди. Бу ҳақда Бош прокуратура ҳузуридаги департамент хабар берди.
Қайд этилишича, департаментнинг Қоракўл туман бўлими томонидан “Бухоро сув таъминот” АЖ ходимлари билан ҳамкорликда терговга қадар текширувлар ўтказилган. Текширувда тумандаги “Д.Г.” МЧЖга қарашли савдо комплекси ҳамда “Э.б.” НТМ масъул шахслари ўзбошимчалик билан ичимлик суви тармоғига уланиб, жами 1,2 миллиард сўмлик ичимлик сувидан ноқонуний фойдалангани аниқланган.
Шу каби, департаментнинг Жомбой туман бўлими томонидан ўтказилган терговга қадар текширувда “Й.б.” фермер хўжалиги масъул шахслари 2 дона сув насосини электр тармоғига тўғридан тўғри улаб, жами 229,4 миллион сўмлик электр энергиясидан ноқонуний фойдалангани маълум бўлган.
Департаментнинг Андижон шаҳри бўлими томонидан ўтказилган терговга қадар текширувда фуқаро У.Д. “Шодлик” МФЙ ҳудудидаги гўшт дўконини тижорат мақсадида электр тармоғига ўзбошимчалик билан тўғридан тўғри улаб, 118 миллион сўмлик электр энергиясидан ноқонуний фойдалангани аниқланган.
Хонқа туман бўлими томонидан ўтказилган терговга қадар текширувда “Т.Ҳ.” МЧЖ раҳбари Т.И. тижорат мақсадида умумий фойдаланишдаги электр тармоғига ўзбошимчалик билан уланиб, 114,2 миллион сўмлик электр энергиясидан ноқонуний фойдалангани аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Андижон вилоятида энергия ресурсларидан ноқонуний фойдаланиш ҳолатлари фош этилгани тўғрисида хабар берилганди.
Изоҳ (0)