Зангиотада рўмол ўраб, ниқоб тақиб юрган аёл иши судда кўрилди

Тошкент вилояти Зангиота туманида рўмол ўраб, ниқоб тақиб юрган аёл иши судда кўрилди. Бу ҳақда Олий суд ахборот хизмати “Дарё”га хабар берди. 

Қайд этилишича, 2 август куни соат 11:51 лар атрофида Зангиота тумани, Мустақиллик кўчасида аёл жамоат жойида шахсини идентификация қилиш имконини бермайдиган кўринишда ҳаракатланиб келгани юзасидан маъмурий баённома расмийлаштирилган.

Судда аёл мебел цехида ишчи вазифасида ишлаб келишини айтган. 2 август куни соат 11:50 да шу кўчада жойлашган озиқ-овқат дўконига нон ва қатиқ маҳсулотини харид қилиш учун юзида “маска” тақилган ҳолатда кетаётган вақтида ИИБ ходимлари уни тўхтатиб, шахсини тасдиқловчи ҳужжатини сўраган. 

Томоғида аллергия борлиги сабабли ниқоб тақиб юришини, кассалиги ҳақида ҳеч қандай ҳужжат йўқлиги, жамоат жойида ниқоб тақиб юриш мумукин эмаслигини билмаслиги, ишдан шошиб чиққани сабабли ниқобини ечмагани учун узр сўраб, оилавий шароити оғирлиги вояга етмаган фарзандлари борлиги, ёлғиз аёл эканини билдириб, суддан енгилик беришни сўради. 

Суд қарори билан аёл маъмурий ҳуқуқбузарликни содир этган деб топилди ва 1,7 млн сўм жаримага тортилди.