Amerikalik qo‘shiqchi Jastin Biber va uning rafiqasi Heyli o‘g‘il farzandli bo‘ldi. Ushbu quvonchli xabarni xonanda o‘zining Instagram sahifasida ma’lum qildi va “Xush kelibsiz, Jek Blyuz Biber” deya foto ostida izoh qoldirdi:
Jastin turmush o‘rtog‘i salomatligini tiklab olishi va uning tinchligini ta’minlash uchun bir muddat san’atdan tanaffus e’lon qildi.
Heyli Biberning farzand kutayotgani haqidagi xabar may oyida ma’lum bo‘lgan edi. Bu vaqtda Heyli homiladorlikning oltinchi oyini o‘tkazayotgan edi. Homiladorlikning so‘nggi kunlarigacha muxlislar qiz yoki o‘g‘il tug‘ilishi masalasi ustida ko‘plab bahslashdi, yulduzlar esa birinchi kundanoq bolaning jinsi va ismini sir tutib o‘tirmadi.
Model ona bo‘lish arafasida ko‘plab fotossesiyalarda ishtirok etar va suratlar tufayli uning farzand kutayotgani haqida doim mish-mishlar yurar edi.
Jastin Biber va Heyli Bolduin 2018-yilda turmush qurgan. Bir yil o‘tgach, 2019-yil 30-sentyabrda er-xotin yaqin do‘stlari va qarindoshlari uchun to‘y marosimini o‘tkazib bergan.
To‘ydan so‘ng model tezroq farzandli bo‘lishni orzu qilishini aytgan edi:
“Men bolalarni juda yaxshi ko‘raman va tez orada o‘zimning ham farzandlarim bo‘lishini istayman”, degan edi Heyli Vogue nashriga bergan intervyusida.
Izoh (0)